Membebel - Ruffedge

CakapCakap
err... tak paham eh??
baca nih...

assalamualaikum warahmatullahi wabarakatuh...

saya nak ngepek ni, kalau tok ngepek tok jadi.

tengok loni, koho sari koho berat , koho sari koho berat!!

dok dumoh pun takpo. anok tok ngaji sekolah tadika pun tak mureh. kalu ngaji sekoloh siam phado sangat. pagi2 gi hantar , petang gi amik. pagi2 gi hantar, petang gi amik.

ikut po, beli belako. kalu sekolah tadika cikgu mitok duit sekok, dua kok, ngepek slalu. ooo berat ore tua peseng ning.

anok daro tu eh. acu pakat mugheh getek eh. ning anok daro geletik gelenya supo cacing kena cok. paka baju koho sari koho napok sikat, supo barut nako.

kain klubung tok paka yak atas palo. dok kace turut dara siam, dara siam takpo la dio kafir. dia telanye pun dia buleh duit.

tuan pulok asal ko comei supo jewok kabuk, naik motor nah dua tiga, brung kok tu brenggg kok ni, ooo berat

tok pade ngn tino garik. pete ko tok pete duk cuk sekolah lagi. Smaye asar tok tahu piye mano, bo ngorik paka cuk tido, penuuuh, dok main atas temok

penoh pakat thow tharosat. thow pulok lamo2. duk thow cari palo bapok apo tok tahu?

toksoh ngaji ngaji la kalu gatal sangat gok, berlaki la.

ooo alo perut ku tengok puok ni!!

make kdaroh korok, tu mok jange kiro nok wi anok bleh ngaji ni, anok dok bengo situ!!

khe khe mitok duit, khe khe mitok duit. kata ustajah nok la, cikgu nok la

ooo mapuhla pemuda lagu ni

anok2 paka kasut pade ratus tu, mok pok paka selipar cepet go limo kok, tu pun merah belah hijau belah

set2 werong tuh buke maghi nak tengok nnasik nih, nak maghi ngeceh nih

khayal pulok khayal ubat batuk, khayal mara, mata glebek po hatu rayo

nok masuk keda takdok duit. beli rokok biya pputung, gilir sapa ne ore.

ni buwa rajin phado malah.

ooo berat!!

wabillahi taufik wal hidayah wassalamualaikum warahmatullahi wa barakatuh.